اية الفرق بين مطعم تايلندى ومطعم مصرى

لأ طبعا في فرق ... وفي فرق كبير كمان
حد يقارن مصر بأي حته تانيه؟
دا حتى ما جابش مستوى الأهوه البلدي -معلش أصدي الكافيه- إللي تحت بيتنا
ههههههههههه

أنا إفتكرت مطعم . كان حلو كده برضه . و إدبست و عزمت فيه واحد صاحبي . و لما لائيته فخم أوى . أولت ربنا يستر .

مكدبش . أنا خفت أطلب حاجه. لكن صاحبي المفتري طلب مشروب متلج . و انا سألت البت بتاع الطلبات : عندكو شاى .

آلت : أيوه .

أولت يا من انت كريم يارب .

عايز واحد شاى . و ف عئل بالى اولت الشاى أرخص حاجه .

و أكدت لصاحبى إن الشاى ده مشروبي المفضل . إل دماغى مابتتظبطش إلا بيه .

شرب صاحبي و انا مأدرتش . أصل خفت أحط عل الشاى سكر يحسبونى عليه . حاولت أشرب الشاى سادة لا ممكن أبدا .

المهم . لمست بتاعه حلوة كده , و جت البت بتاع الحساب .

أبلع ف ريئى ميتبلعش .

أبلع ف ريئى ميتبلعش .

أبلع ف ريئى ميتبلعش .

شوفت الحسسساببببب :

عرفين طلع كام :


175 درهم .

و عشان أكون راجل ملو هدومى كان لازم أسيب باقى .

الحساب خلص علي 200 درهم يعني يساوى بالمصرى ساعتها حوالي 310 جنيه .

ومن ساعتها بطلت أعزم حد هناك .

بس مستعد أتعزم .

أما عن مطعم أختنا إل ف الصورة : فالفرق واضح جدا :

عندنا الشاى بييجى في صينيه ألومنيوم مطبئة , أما هنا ف بيجى علي عربه بعجل في صينية شكلها ذى ما تكون بلاستك ناشف شويه .

هوه ده الفرأ بس !!!!! .