استفتاء عن خلع الحجاب ليله الزفاف ؟؟

السلام عليكم اخوانى واخواتى فى الله

عاوزين نتناقش فى مووضوع مهم اوى بنشوفه و بيحصل كل يووووووم


...."يوم الزفاف وانتى اساسا محجبة

...ساعات البنات تقول دى هى ليلة فى العمر كله اقلع فيها الحجاب وافرح

...وفى بنات تانية عريسها يقولها لا اقلعى الحجاب الليلة دى انا عايز الناس كلها تشوف القمر اللى هتكون مراتى ....

وطبعا فى بنات تانية بتفضل لبساه اصبح موضه خصوصا لو شعرها اساسا ميتشافش


وفى بنات بتبقى محجبه و مفيش شعرايه باينه منها لكن الفستان بقى .......و اللى بيحصل فى الفرح من رقص و اغانى ......حدث و لا حرج !!!!!

وفى بنات شعارهم تاجى حجابى هخلعه على جثتى

طيب دلوقتى وبقول بمنتهى الصراحة عايز اعرف راى كل واحده لسه ما اتجوزتش هتعملى ايه يوم فرحك مع حجابك و هتعملى ايه لو عريسك طلب منك تخلعيه ؟؟؟

السؤال التانى :رايكم ايه فى البنت اساسا اللى بتقول اهى ليلة وخلاص خلى الواحد يفرح؟؟

السؤال التالت:طيب لو هى ترتدى الحجاب والعملية مش فارقة مش مشكله الفستان و لا الفرح عامل ازاى مش لبستلكم الحجاب سيبونى بقى اهيص شويه ؟

السؤال الرابع للشباب الذكور :انت هتقولها ايه فى كلا الحالتين لو خلعت الحجاب او ارتدته وبمنتهى الصراحة؟

ياجماعة عايزه كمان راى الناس اللى تزوجت ومرت بالحاجات دى...وبمنتهى الصراحة عايزين نتناقش فى الموضوع ده والصراحة مهمه اووووووووووى مش عايزين شعارات وبس عايزين نتعلم من بعض ......


مستنيه ارائكم

السلام عليكم اختى تائبة
اللهم ارحمنا فانك بنا راحم وتب علينا ياتواب فان عذابك بنا واقع ..
فعلا اختى تائبة ..الافراح بقت فيها مهازل ..لكن الافراح المختلطة اكثر شىء ..وهى سائدة ..والعروس ان لم تخلع الحجاب ..ترقص وسط الشباب ..اقاربها واصحاب العريس ..بالحجاب برضه . .طبعا المفروض مادام واحدة ارتدت الحجاب بوازع دينى من داخلها فلابد وان تلتزم به أمام نفسها وأمام الناس ..الا اذا كانت هناك حفلة للعروس وبها نساء ..وحفلة اخرى للعريس خاصة بالرجال ..مثل ما قالت الاخت هبة الله ..فلاتوجد مشكلة
وعلى فكرة خلع الحجاب بقى موضة ..وياريته اقتصر على الخلع فقط ولكن لابد وان يكون الفستان عاريا يكشف اكتافها وذراعيها ...يارب اهدى شباب وبنات المسلمين والبسهم ثوب الحشمة والوقار .. وقهم الشياطين وشركهم وارزقهم الصحبة الصالحة . ...آمييييييييييين

احييكى اختى على موضوعك الهام
وانا فى فرحى لماخلع الحجاب الحمد لله رغم سماعى لاراء تؤيد ذلك
وما اثار انتباهىانه بعد ذلك سالتنى اكثر من صديقه حتى من ناس سمعوا فقط اننى كنت بالحجاب عن مكان شراءه ولا ازكى نفسى على الله
فاعتقد انه يجب علينا عمل الصواب لاننا سنحاسب على افعالنا
وجزاك الله خيرا على الموضوع

طيب دلوقتى وبقول بمنتهى الصراحة عايز اعرف راى كل واحده لسه ما اتجوزتش هتعملى ايه يوم فرحك مع حجابك و هتعملى ايه لو عريسك طلب منك تخلعيه ؟؟؟

السؤال التانى :رايكم ايه فى البنت اساسا اللى بتقول اهى ليلة وخلاص خلى الواحد يفرح؟؟

السؤال التالت:طيب لو هى ترتدى الحجاب والعملية مش فارقة مش مشكله الفستان و لا الفرح عامل ازاى مش لبستلكم الحجاب سيبونى بقى اهيص شويه ؟

السلام عليكم
موضوعك جمييييييييييل يا تائبه يا حبيبتى
جزاكى الله خيرا
بالنسبه بقى للسؤال الاول
باذن الرحمن انا هكون محجبه فى فرحى وما اعتقدش ان العريس هيطلب انى اخلع الحجاب ولو طلب هيكون دا حاجه تقلله فى نظرى وباذن الرحمن مش هخلعه مش بعد السنين دى الحمد لله اضيعها عشان يوم
السؤال التانى ربنا يهدينا ويهدى جميع شباب المسلمين اللهم امين
والسؤال الثالث
ويااااااااااااااارب يوفقنى واعمل فرح اسلامى
او زى ما قالت هبه يكون مش مختلط

تسلمى اختى الحبيبه على موضوعك الجميل

سبحان الله الموضوع دخلت عليه كدا قدر , المهم من ناحية ردي هتكلم عن نقطة واحدة بس بتاعت الشباب . بصراحة لو خلعت الحجاب بالكلمة هقولها كدا إنتي متلزمنيش وبكل صراحة ,
أما من ناحية ارتداؤه فهقول ليها ربنا يزيدك إيمان فوق إيمان .
دا لو مكنتش لابسة نقاب

والله طالما الفتاه إرتدت الحجاب عن إقتناع ورضى فمن المستحيل ان تخلعه مهما كان السبب فرح او غيره ولابد ان عريسها اذا هى كانت ناويه على خلع الحجاب لابد ان يقنعها بكل الطرق وربنا يهدينا جميعاً يارب

بسم الله الرحمن الرحيم

لا اوافق علي خلع الفتاه المحجبه حجابها ليله زفافها حتي تحدث البركه في هذا الزواج المبارك

ولو ان مشاركتى متاخرة سامحونى
ولكن هل استطيع ان اسئل سؤال
هل ساشعر بالرضى عن نفسى بعد ان كنت فرحة برضى الله عنى
لافرح نفسى يوما فاغضب الهى باقى حياتى
كيف ساشعر وانا بجانب زوجى فى هذا اليوم والناس ينظرون الى
كيف ساشعر بعد ان كنت مسطورة فاصبح غير مسطورة امام الجميع
اذكركم بان ابنة الرسول من حيائها تخشى يوم موتها وخروجها امام الناس
وهى متوفاه
سبحان الله على هذا الجيل
اللهم اهدنا واهدى بنات المسلمين