******لعبه عضو فى المطبخ******

شكر
على الطبخه بروين
وسهله ومن الواضح انها جميلة جدا

انا بصراحه عضوه جديده ومحدش رشحني بس انا بعشق المطبخ وانا اللي بطبخ كل يوم في البيت
ومش هقول وصفاتي الا لما خد رايكم الاول عشان ماتقولوش اني متطفله (انا عارفه طبعا مش هتقولوا كده
يلا انا مستنيا الاذن وهتلاقوا وصفات ماتخلصش

هايل
جميلة قوى المقلوبه
بس انا بحبها قوى بالفرخ
بس بجد تسلم ايديك

انا بقا هقدم لكم اكتر اكله انا مدمناها بجد باكلها ممكن خمس مرات في الاسبوع وطبعا البيتزا وانا فنانه في عمايلها
نبتدي بالمقادير:
العجينه:
٥٠٠ جم طحين
٤ ملاعق كبيرة زيت زيتون
١ ملعقة كبيرة ملح
نصف ملعقة كبيرة سكر
٢ ملعقة كبيرة خميرة فورية (خميرة الخبز)
٤٠٠ ملل ماء دافئ لجمع وعجن البيتزا

الصلصة:
يقلي البصل (٢ ملعقة كبيرة) في الزيت مع ٣ فصوص ثوم وزعتر (اوريجانو)
نضيف ٢ ملعقة كبيرة معجون طماطم مع طماطم مفرومة طازجة تقريباً ٥٠٠ جم أو معلّبه
مع ريحان وملح وفلفل حار وفلفل اسود
وبعدين طريقه التحضير:

يفرك الطحين مع الزيت والسكر وتضاف الخميرة الفورية
يضاف الماء تدريجيا ثمّ الملح مع العجن لمدة ١٠ الى ١٥ دقيقة
تغطي العجينة وتترك لتختمر ثم تفرد وتشكل وتحشي بانواع مختلفة من الحشو
بعد تشكيل البيتزا تضاف الصلصة والحشو وتخبز لمدة ١٠ الى ١٥ دقيقة في اسفل الفرن على درجة حرارة ٤٠٠ الى ٤٥٠ فهرنهايت
ثم تضاف الجبنة وتوضع تحت الشواية كي تذوب وتقدم
وبالف هنا وشفا جربوها وقولوا لي رايكم

حياكم الله وربنا يبارك لي فيكم وشكرا ليكي اختي بروين واكيد ام فرح ومرح وشكرا علي تشجيعكم الجامد ده ليا

اختار مين ؟؟اختار ميييييين؟
اختار shosho
عايزين اكلات حلوه بقا ياشوشو

السلام عليكم ورحمة الله وبركاته
تسلم ايديكم كلكم على الوصفات الهايله دى وعلى فكره انا اكلت من المقلوبه الفلسطسنيه دى من ايد صديقه فلسطينيه وكانت رائعه .ولحد بقى ما شوشو تجهز ممكن نا العب معاكو ههههههههههههههه
انا هقدملكو البانكيك السويدى ولادى بحبوه جدا وان شاء الله يعجب اولادكم كمان وعلى فكره هو بتاكل مع المربى والكريمه او القشده.
بصراحه هو مالهوش مقادير ههههههههههههههههه
بس بنضرب 5 بيضات كويس جدا ونضيف معلقتين كبار سكر ونص معلقه صغيره ملح ونضرب تانى ونضيف القيق مع التقليب السريع المستمر حتى نحصل على قوام اتخن من الكيكه بشويه وبدين نضيف اللبن مع التفليب المستمر ايضا حتى يصبح القوام خفيف مثلا شبه الكريمه السايله مش قادره اوصفه بس يبقى خفيف ويتصب بالمغرفهوبعدين على نار هاديه نضع مقلايه تيفال وندهنها دهن خفيف جدا بازيت ولما تسخن نصب فيها بعض من الخليط طبقه رقيقه يدوب تغطى كل مسطح المقلاه ولما ينشف الوجه ونجد القعر صار لونه ذهبى نقلبها على وجهها وسوف يتحول الوجه للون الذهبى ايضا وكده تكون استوت ونقلبها على صنيه عليها ورق زبده ونكرر دهان المقلاه وصب الخليط ان ان تنتهى الكميه ودى ممكن تعطى حوالى 10 ارغفه بان كيك لو المقلاه متوسطه القطر.
معذرة ممكن اكون مش قادرة اشرح بس والله هو حلو جدا لو جربتوه انشاله حتى ببيضه واحده فى البدايه قولولى ايه اللى حصل وبيضه واحده بس عشان لو باظ ما تدعوش عليا
وربنا يبارك فيكم جميعا

جزاكم الله خيرا جميعا يا اخوتى و ربنا يجعله دائما تعاونا على البر والتقوى ويبارك فى منتدانا الغالى.على فكره ده المنتدى الوحيد اللى بتابعه باستمرار وبشارك فيه فعلا حاسه فيه بجو اخوى جميل افتقده وانا فى غربتى.
وانا احب اختار منوره بعد اذنها طبعا للاكله الجايه عشان بجد مواضيعها دمها خفيف واكيد اكلها كده برضه.
تقبلوا مرورى .والى اللقاء

ما شاء الله
المنتدى كلهبيعرف يطبخ
وبيقدم حاجات كتير حلوة
قوى
وحلوة قوى التورتوه الشيكولاته

هادم حاجة بسيطة بس يلرب تعجبكوا ان شاء الله
بيكاتا بالشمبنيون
المقادير
- نصف كيلو صدوار فراخ
- كوب ونص دقيق
- خمس كوب زيت
- 100 جرام لبن
- 50 جرام مشروم
الطريقة
لتحضير صلصة الشمبنيون يقدح الزيت ثم يضاف اليه الدقيق مع التحريك بالمضرب اليدوى بشكل دائرى ثم يضاف اللبن وعندم يمتزج الخليط يضاف اليه المشروم
وتلسلق الفرخ فى انا منفصل لمده 15 دقيقه ويضاف الملح والفلفل والبهار الى الفرخ وبعد ذلك يضاف الفراخ الى الصلصة الشمبنيون وتترك بضع دقايق حتى النضخ
ويارب تعجبك
بعض المعلومات قد تهمكوا
1 حتى لا يمتص الباذنجان الزيت اثناء القلى مررى حلقات الباذنجان فى الدقيق
2 اضفى بعض قطرات من الزيت اثناء سلق الكرنب للتخلص من رائحته
3 حتى تحصلى على حلة المونيوم جديده باستوار ضعى قطرات من الليمون فى ماء واغليه داخل الحله
4لكى ياخذ السمك طعم التتبلة ضعى عليه الملح قبل التتبيل بعشر دقايق
5 لاتقطعى السلطة قبل تناولها باكثر من خمس دقايق حتى لاتفقد قيمتها الغذائية
6 للتخلص من رائحة البصل من اليد تفرك بالبن ثم تغسل بماء وليمون
7 لتلميع الاكواب والاوانى الزجاجية تغسل بماء فاتر مذاب فيه ملح ثم تشطف جيدا ولا تخفف وتترك لتخف طبيعى
8 حتى تحافظى على قوة تبريد الثلاجة انزعى الفيشة مرة كل عشر ايام لمده عشر دقايق فقط
للتخلص من بقع القهوة من اى مكان بالمطبخ يمكن ازلتها باضافة النشادر الى ماء الغسل